18 лютага прадстаўнікі Нацыянальнага агенцтва інвестыцый і прыватызацыі прынялі ўдзел у інтэрактыўнай анлайн-канферэнцыі «Гандлёвыя і інвестыцыйныя магчымасці паміж Індыяй і Беларуссю пасля COVID-19», арганізаванай Федэрацыяй экспартных арганізацый Індыі і Пасольствам Індыі ў Беларусі.

Удзельнікі мерапрыемства - больш за 100 уладальнікаў і кіраўнікоў буйных індыйскіх кампаній, якія праяўляюць цікавасць да развіцця гандлёвага і інвестыцыйнага супрацоўніцтва з Беларуссю.

У сваім ўступным слове дырэктар НАІП Дзмітрый Красоўскі распавёў аб асноўных паслугах Агенцтва па падтрымцы замежных інвестараў, зацікаўленых у адкрыцці і развіцці бізнесу ў Беларусі, прыярытэтных кірунках беларуска-індыйскага інвестыцыйнага супрацоўніцтва і планах па ўкараненні новых падыходаў да працы з замежнымі кампаніямі з улікам вопыту пандэмійнага перыяду і перспектыў аднаўлення сусветнай эканомікі пасля COVID-19.

Жывую цікавасць з боку бізнесу выклікала дыскусія ў рамках сесіі пытанняў і адказаў. Улічваючы, што абмежаваны час канферэнцыі не дазволіў асвятліць ўсе аспекты вядзення бізнесу ў Беларусі, якія цікавяць індыйскіх партнёраў, НАІП прадаставіць дадатковую інфармацыю ў рамках развіцця устаноўленых на канферэнцыі бізнес-кантактаў.